မိူဝ်ႈဝၼ်းထီႉ 05.07.2012 ယၢမ်း 14:00မူင်းၸုမ်း SSPP/SSA, ၸုမ်းၶၢင် KIA လႄႈ ၸုမ်းပလွင်ႈ ၶဝ် 3 ၸုမ်း ႁူမ်ႈၵၼ်သေ လႆႈပိုတ်းယိုဝ်း ၵၼ်တင်း ၸုမ်းသိုၵ်းမၢၼ်ႈ ၼႂ်းၼႃႈတီႈ RCSS/SSA လႅင်ႇၶၢဝ်ႇ ပွတ်းႁွင်ႇ ပွင်ႇမႃး ၼင်ႇၼႆ။

ပၢင်တိုၵ်းၼႆႉ ပဵၼ်တီႈ ဝၢၼ်ႈထၢတ်ႈၸႅတ်ႈ ၸႄႈဝဵင်းမိူင်းဝီး လႄႈ ၽၢႆႇသိုၵ်းမၢၼ်ႈ မီးဢဵၼ်ႁႅင်း 25 ၵေႃႉ။ ၼႂ်းပၢင်တိုၵ်းၼႆႉ ၽၢႆႇသိုၵ်းမၢၼ်ႈတၢႆ ထင်တီႈ 3 ၵေႃႉ လႄႈ မိူဝ်းတၢႆတီႈ ႁူင်းယႃ ထႅင်ႈ 2 ၵေႃႉ၊ မၢတ်ႇၸဵပ်း 4 ၵေႃႉ ဝႃႈၼင်ႇၼႆ။

မိူဝ်ႈဝၼ်ႈထီႉ 08.07.2012 ယၢမ်း 11:00 မူင်း ၼႆႉၵေႃႈ သိုၵ်းဢမ်ႇႁူႉၸိုဝ်ႈၸုမ်း ၸုမ်းၼိုင်ႈ ဢဝ်မၢၵ်ႇ 2 လုၵ်ႈ မႃးပွႆႇသႂ်ႇ ၸုမ်းသိုၵ်းမၢၼ်ႈ တီႈၸႄႈလၢၼ်ႉ ၸႄႈဝဵင်းမူႇၸႄႈ၊ ၽၢႆႇသိုၵ်း မၢၼ်ႈတၢႆ 2 ၵေႃႉ၊ မၢတ်ႇၸဵပ်းၵႂႃႇ 4 ၵေႃႉ လႄႈ ႁူဝ်လူတ်ႉၵႃးၵွႆၵႂႃႇ လမ်းၼိုင်ႈ။