ပွႆးၶၢမ်ႇသၢင်ႇလွင်း တီႈမိူင်းတႆးပွတ်းႁွင်ႇ၊ ဝဵင်းၵျွၵ်းမႄး၊ ဢိူင်ႇၵုၼ်ႁႅၼ် ပိုတ်ႇပၢင်တေႃႇလွင်း၊ ဢၼ်ပဵၼ်ပၢင်ၽၢႆႉၼင်ႇ လွတ်ႈလႅဝ်း ဢမ်ႇမီးပလိၵ်ႈဢဝ်လိူင်ႈသေ ပလိၵ်ႈၶဝ် ယင်းလႆႈၸႂ် ႁူမ်ႈမိုဝ်း ၼႂ်းၵၢၼ်ပိုတ်ႇ ပၢင်တေႃႇပၢင်လွင်း ၸွမ်းၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

ၶွမ်ႇမတီႇၽၢႆႇ ၽဵဝ်ႈမူၺ်ႉယႃႈမဝ်းၵမ် ၶွင်ႇသီႇဢဝ်ၶိုၼ်းၸိုင်ႈတႆး ပီႈၼွင်ႉၵူၼ်းမိူင်း၊ ၸုမ်းၵူၼ်းၼုမ်ႇလႄႈ ၸုမ်းၾိင်ႈငႄႈ ၸႄႈဝဵင်းမိူင်းၼၢႆး ၶဝ်လႆႈႁူမ်ႈမိုဝ်းၵၼ် ပိုတ်ႇပၢင်သွၼ်ပၼ်ပိုၼ်ႉႁူႉ ၽေးယႃႈမဝ်းၵမ်လႄႈ ႁူမ်ႈမိုဝ်းၵၼ် ၽဵဝ်ႈမူၺ်ႉ ယႃႈမဝ်းၵမ်သေ လႆႈၸတ်းႁဵတ်း ပၢင်လူင်းၵၢၼ်သွၼ်ၵႂႃႇတီႈ ဝၢၼ်ႈၼႃးဢုမ်ႇပူၵ်ႇ၊ ဢိူင်ႇၵုၼ်ၼႃး ၸႄႈဝဵင်းမိူင်းၼၢႆး ယဝ်ႉတူဝ်ႈၵႂႃႇ ၼင်ႇလီငၢမ်းၼႆ လႅင်ႇၶၢဝ်ႇ ၼႂ်းမိူင်း ပွင်ႇမႃး။

ၶွင်ႇသီႇဢဝ်ၶိုၼ်း ၸိုင်ႈတႆး/ တပ်ႉသိုၵ်း ၸိုင်ႈတႆး (RCSS/ SSA) ၼႃႈတီႈဢုပ်ႉပိူင် 701 ၼႂ်းၼႃႈတီႈ ဢိူင်ႇ 19 ဝၢၼ်ႈ မိူင်းမၢဝ်း၊ ႁဵတ်းပၢင်ၽဝ်ယႃႈမဝ်းၵမ် ၸိူဝ်းဢၼ်ၵူတ်ႇထတ်းတိၺွပ်းလႆႈ ၸွမ်းလႅၼ်လိၼ်တႆး-ၶႄႇ ၼၼ်ႉၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

ၽၢႆပလိၵ်ႈ ၽဵဝ်ႉမူၺ်ႉ ယႃႈမဝ်းၵမ် ၸႄႈဝဵင်းတူၼ်ႈတီး တိၺွပ်းလႆႈ ယႃႈမႃႉ ၼပ်ႉႁူဝ်ပၢၵ်ႇမဵတ်ႉမၼ်းၼႆ လႅင်ႇၶၢဝ်ႇ ၼႂ်းမိူင်း ယိုၼ်ယၼ် လၢတ်ႈၼႄ။

ၸဝ်ႈၼႃႈတီႈ ဢုပ်ႉပိူင်ႇၼႂ်းမိူင်း ၶွင်ႇသီႇဢဝ်ၶိုၼ်းၸိုင်ႈတႆး တိၺွပ်းလႆႈယႃႈမဝ်းၵမ် လႄႈၵူၼ်းၵႃႉယႃႈမဝ်းၵမ် ၼႂ်းၸႄႈဝဵင်းမိူင်းၵိုင် မိူဝ်ႈဝၼ်းထိ 19.Jan.2013 ၼႆႉၸဝ်ႈၼႃႈတီႈ ဢုပ်ႉပိူင်ႇၼႂ်းမိူင်း ၸိူဝ်းဢဝ်ပုၼ်ႈ ၽွၼ်းတူင်ႉၼိုင်ႁဵတ်းသၢင်ႈၵၢၼ်ပူၵ်းပွင်ယူႇၼႂ်းၼႃႈတီႈ ပွတ်းၸႄႈဝဵင်းမိူင်းၵိုင် လႆႈၶၢဝ်ႇ ၵူၼ်းမိူင်း ၸိူဝ်းဢၼ်ၵႃႉၶၢႆ ယႃႈမဝ်းၵမ်ပၼ်ၵူၼ်းမိူင်း ၼႂ်းပိုၼ်ႉတီႈၸိူဝ်းၼၼ်ႉသေ လႆႈ ၶဝ်ႈတိၺွပ်း လႆႈယႃႈမဝ်းၵမ် တင်းၼမ်လႄႈ ၵူၼ်းၵႃႉၶၢႆ 3 ၵေႃႉၼႆယဝ်ႉ။