ဝၢႆးၸုမ်းၵေႃႇမတီႇ ၶိုင်ပွင်ငမ်းယဵၼ် မိူင်းႁူမ်ႈတုမ်လႄႈ ၸုမ်းတပ်ႉသိုၵ်း လွတ်ႈလႅဝ်းသဝ်းၶေႃၶၢင် KIO လႆႈႁူပ်ႉထူပ်း ဢုပ်ႇဢူဝ်းၵၼ် တီႈဝဵင်းသူၺ်ႇလီႇ၊ ၸိုင်ႈၶႄႇ ယဝ်ႉသေ တပ်ႉသိုၵ်းလူင်ပွင်ၸိုင်ႈတင်း KIA လႆႈပဵၼ်ပၢင်တိုၵ်းၵၼ်ယူႇ ၵူႈဝၼ်း ၼႂ်းၼႃႈတီႈ ဢုပ်ႉပိူင်ႇ တပ်ႉၸုမ်း (4) KIA ၼႆ လႆႈႁူႉၸွမ်းတီႈ ၶၢဝ်ႇ RFA ၼင်ႇၼႆ။

လႅင်ႇၶၢဝ်ႇ ၼႂ်းပိုၼ်ႉတီႈ ပွတ်းမိူင်းၼၢႆး ယိုၼ်ယၼ် လၢတ်ႈၼႄမႃးဝႃႈ မီးၸုမ်း (ပႆႇႁူႉၸိုဝ်ႈ-မၢင်ၽဝ်ႇပဵၼ် ၵူၼ်းႁဵတ်းၵၢၼ် ပၢႆးမၢၵ်ႈမီး သုၼ်ႇတူဝ်) ဢဝ်ၶိူင်ႈၸၢၵ်ႈလူင် (မႄႈၶူဝ်း) ၶုတ်းယႃႉ ငုၺ်ႉငၢၵ်ႈ ႁူးၼမ်ႉတီႈ မႄႈတွၼ်၊ ဝဵင်းမိူင်းၼၢႆး ဝႃႈၼႆ။

သိုၵ်းမၢၼ်ႈ တဵၵ်းၶၢၼ်းယွၼ်း ငိုၼ်းၵူၼ်းမိူင်း ဢိူင်ႇထမ်ႈယၢမ်း၊ ဝဵင်းသီႇသႅင်ႇ ဢၢၼ်ႇႁူဝ်သႅၼ်မၼ်းလႄႈ ၺွပ်းၶျေႃႈထူဝ်ႈ ၵူၼ်းမိူင်းၼႆ လႅင်ႇၶၢဝ်ႇ ပွင်ႇထိုင်မႃး။

ၸၢႆးၽူဝ်းၶျူဝ်ႇ၊ ဝဵင်းတူၼ်ႈတီး ထုၵ်ႇသိုၵ်းမၢၼ်ႈ ပေႃႉထုပ်ႉတၢႆ ၽွင်းမိူဝ်ႈၶဝ်ႈပွႆးၶၢမ်ႇသၢင်ႇလွင်းတီႈ ဝဵင်းလၢႆးၶႃႈၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

တဵၵ်းလူၶေႃႈမုၼ်းတီႈၼႆႈ…

လႅင်ႇၶၢဝ်ႇ ၼႂ်းပိုၼ်ႉတီႈ ပွတ်းၵဵင်းၶမ်း၊ မိူင်းပဵင်းလႄႈ မိူင်းၵိုင် လၢတ်ႈဝႃႈ သိုၵ်းမၢၼ်ႈ ဢၼ်တူင်ႉၼိုင် ဢူၼ်ၵဝ်း ၼႂ်းပိုၼ်ႉတီႈ (3) ပိုၼ်ႉတီႈၸိူဝ်းၼႆႉ တဵင်ၵႂၢမ်းၼၵ်းတေႃႇ ၵူၼ်းဝၢၼ်ႈ ႁႂ်ႈၶဝ်ႈပွႆးသၢင်းၵျၢၼ်ႇ ၸွမ်းၼင်ႇ ၶဝ်ၶပ်ႉဝၢင်း ၽႅၼ်ႁဵတ်းပွႆးလႄႈ တဵၵ်းယွၼ်းဢဝ် ငိုၼ်းလၢႆ ၸဝ်ႈဝူဝ်း ၼပ်ႉႁူဝ်သႅၼ် ဝႃႈၼႆ။

ပိူင်ပဵၼ်ၼင်ႇ ဢၼ်ပဵၼ်မႃး ၼႂ်းမိူင်းႁူမ်ႈတုမ်ၼႆႉ လႆႈဝႃႈမိူင်းဢမ်ႇမီးၶုၼ်လီ (ဢမ်မီးလူင်ပွင်ၸိုင်ႈလီ) ပၵ်းပိူင်ဢၼ်ၵူၼ်းလႆႈ ပိုင်ႈဢိင်ၵေႃႈဢမ်ႇမီး၊ ပၵ်းပိူင်တႃႇၵႅတ်ႇၶႄႇပၼ် ၵူၼ်းမိူင်းမီးယူႇၵေႃႈ တပ်ႉသိုၵ်းၶဝ် တမ်ႇၼူတ်ႇ (ပလိၵ်ႈ) ၶဝ်၊ ၸုမ်းဢုပ်ႉပိူင်ႇၶဝ်၊ ၸိူဝ်းႁၢပ်ႇၵၢၼ်ၶုၼ်ၶဝ် ဢွၼ်ၵၼ်ပူၼ်ႉပႅၼ် လူလၢႆပၵ်းပိူင်ဝႆႉ ၵူႈၸုမ်းၸုမ်းလႄႈ တႃႇၵူၼ်းမိူင်းတိုၼ်း ဢမ်ႇမီး လွင်ႈႁူမ်ႇလူမ်ႈ တူဝ်ၸႂ် ႁိူၼ်းယေးသင်။