ထၢမ်- ၵၢၼ်ၵိုတ်းယိုဝ်းၵၼ်ၸမ်လႆႈ (2) ပီႊၸမ်ယဝ်ႉ လႆႈၶၢဝ်ႇဝႃႈ ၶေႃႈတူၵ်းလူင်း တေႃႇၵၼ်ၼၼ်ႉ ယင်းတိုၵ်ႉႁဵတ်းလႆႈ 2 ဢၼ်ၵူၺ်း ဢၼ်ၼႆႉ ၸွင်ႇႁၼ်ထိုင်ဝႃႈ တႃႇတေသိုပ်ႇပႆ သဵၼ်ႈတၢင်း လွင်ႈငမ်းယဵၼ်ၼၼ်ႉ တိုၵ်ႉၶၢဝ်းယၢဝ်းယူႇၼႆ?

မိူဝ်ႈၼႆႉ ၶၢဝ်းယၢမ်းၵၢင်ၼႂ် လႆႈႁူႉမႃးဝႃႈ ၽၢႆႇတူဝ်တႅၼ်း ပႃႇတီႇသိူဝ်ၽိူၵ်ႇ တွၵ်ႇတိူဝ်ႇၵျေႃႇဢုင်းလႄႈ ၸၢႆးတိၼ်ဢူး ႁူမ်ႈတင်း ၵူၼ်းၼႂ်းၸုမ်း ပႃႇတီႇ (2) ၵေႃႉ၊ ၽၢႆႇမၢၼ်ႈ ပႃးၽူႈတၢင်ႇတူဝ် ၼႂ်းႁွင်ႈၵၢၼ် ဢုပ်ႇပိူင်ႇ၊ ႁွင်ႈၵၢၼ်ပၢႆးယူႇလီ၊ ႁွင်ႈၵၢၼ်ၽၢႆႇၸွပ်ႇၶၢဝ်ႇ ၸိူဝ်းၼႆႉ မႃးဢုပ်ႇၵုမ်ၵၼ်လူၺ်ႈလွင်ႈ ပၼ်ႁႃ ဢၼ်ၵိူတ်ႇၶိုၼ်ႈတီႈၼႂ်းဝၢၼ်ႈ ပိုၼ်ႉတီႈထုင်ႉမၢဝ်း ၼႆယဝ်ႉ။

တူၺ်းငဝ်းလၢႆးဢၼ် တပ်ႉသိုၵ်း လူင်ပွင်ၸိုင်ႈၶဝ် ပူၼ်ႉပႅၼ် သုၼ်ႇလႆႈၵူၼ်းတီႈ ပွတ်းထုင်ႉမၢဝ်း၊ ဝၢၼ်ႈၼွင်ၶမ်း၊ ၼွင်မႃႉတႃ၊ ၵုၼ်တႂ်ႈ ၸိူဝ်းၼႆႉ ႁၢႆႉတိူဝ်းမႃးလိူဝ်ၵဝ်ႇလႄႈ ပူႇၵႄႇဝၢၼ်ႈ၊ ၸဝ်ႉၼင်ႈၵျွင်း  (ၼွင်ၶမ်း၊ ၼွင်မႃႉတႃ၊ ၵုၼ်တႂ်ႈ) ႁူမ်ႈ ႁူဝ်ပဝ်ႈ ပႃႇတီႇသိူဝ်ၽိူၵ်ႇ တွၵ်ႉတိူဝ် ၵျေႃႇဢူင်းတင်း ၸၢႆးတိၼ်ႇဢူး ဢိၵ်ႇၽူႈတၢင်တူဝ် ၵူၼ်းဝၢၼ်ႈ ၼိုင်ႈဝၢၼ်ႈ (4) ၵေႃႈ ႁူမ်ႈၵၼ်သေ ၵႂႃႇတိူင်ႇလၢတ်ႈတီႈ လုမ်း မယၵ ၼမ်ႉၶမ်း လႆႈၶၢဝ်ႇမႃးၼင်ႇၼႆ။

ၼႂ်းၸႄႈဝဵင်းၼမ်ႉၶမ်း မီးၵၢၼ်ပိုတ်းယိုဝ်းၵၼ်တီႈ ၶႄႇၶဝ်ဝၢင်းတေႃႇလွတ်ႇၵႅသ်ႉ မီးၵူၼ်းလႆႈတၢႆလႄႈ မၢတ်ႇၸဵပ်းၼႆ လႅင်ႇၶၢဝ်ႇ ပွင်ႇထိုင်မႃး။

ၼႂ်းပီႊၼႆႉ ၵူၼ်းမိူင်း လၢႆလၢႆပိုၼ်ႉတီႈ လႆႈထူပ်းၺႃးၽေးသၽႃႇဝ လူမ်းလႅင်ႉလူင် ထူဝ်းပတ်ႉပဝ်ႇႁၢႆႉႁႅင်း၊ ဝတ်ႉဝႃးၽႃသိူဝ်ႇ၊ မူႇဝၢၼ်ႈ၊ ႁိူၼ်းယေးလႄႈ ၵူၼ်းဝၢၼ်ႈၶဝ် လႆႈလုလႅဝ် မၢတ်ႇၸဵမ်း သုမ်းၶူဝ်းၶွင်တင်းၼမ် ၼႆယဝ်ႉ။

တီႈမိူင်းတႆး ပွတ်းၸၢၼ်း၊ ၸေႈဝဵင်းၵုၼ်ႁဵင် ထုၵ်ႇလူမ်းလႅင်ႉ ပဝ်ႇၽတ်ႉႁႅင်းလႄႈ မီးၵူၼ်း လႆႈတၢင်းၸဵပ်းမၢတ်ႇ ၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

မိူဝ်ႈပူၼ်ႉမႃးဝၼ်းထိ 11.5.2013၊ ၶၢဝ်းယၢမ်း ၵၢင်ၶိုၼ်း 23:25 မူင်းၼၼ်ႉ မၢၵ်ႇတႅၵ်ႇတီႈ ႁူင်းလိုဝ်ႈသဝ်း ၼဝရၢတ်ႇ ရိၵ်ႉတႃႇ (နဝရတ် ရိပ်သာ) ဢၼ်မီးႁိမ်းသဵၼ်ႈတၢင်း ဝဵင်းၼမ်ႉၶမ်း တေၶိုၼ်ႈၵႂႃႇ ဝၢၼ်ႈဝဵင်းသႃႇ လုၵ်ႈၼိုင်ႈ ၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။